صبور علی اور علی انصاری کی بیٹی کی سالگرہ، دلکش تصاویر سامنے آگئیں

کراچی: اداکارہ صبور علی نے اپنے انسٹاگرام اکاؤنٹ پر اپنی بیٹی سرینا کی پہلی سالگرہ کی تصاویر شیئر کرتے ہوئے مداحوں کو سرپرائز دیا ہے۔ ان تصاویر میں ننھی سرینا کو اپنے والدین اور کھلونوں کے ساتھ خوشگوار موڈ میں دیکھا جا سکتا ہے۔ تقریب میں جہاں خاندان کے قریبی افراد شریک تھے، وہی خالہ سجل علی کی موجودگی نے سوشل میڈیا پر مداحوں کی خصوصی توجہ حاصل کی۔

صبور علی نے اپنی پوسٹ میں انکشاف کیا کہ وہ ان تصاویر کو شیئر کرنے کے حوالے سے ہچکچاہٹ کا شکار تھیں کیونکہ وہ ان لمحات کو نجی رکھنا چاہتی تھیں، تاہم بیٹی کی محبت نے انہیں یہ یادیں مداحوں کے ساتھ بانٹنے پر مجبور کر دیا۔ انہوں نے ماں بننے کے سفر کو ایک “جادوئی تجربہ” قرار دیتے ہوئے لکھا کہ سرینا کے رونے سے لے کر اس کی خاموش ضرورتوں کو سمجھنے تک، ہر لمحہ ان کے لیے سیکھنے اور محبت کا ذریعہ رہا ہے۔

یاد رہے کہ صبور علی اور علی انصاری 2022 میں رشتہ ازدواج میں منسلک ہوئے تھے اور شوبز انڈسٹری کی سب سے زیادہ پسند کی جانے والی جوڑیوں میں شمار ہوتے ہیں۔