مشرق وسطیٰ میں کشیدگی، کویت کا تیل کی پیداوارمیں نمایاں کمی کا فیصلہ

کویت نے مشرق وسطیٰ کی صورتحال کے پیش نظر تیل کی پیداوار میں  نمایاں کمی کا اعلان کر دیا۔اس حوالے سے کویت پٹرولیم کارپوریشن نے بتایا کہ یہ احتیاطی تدابیر کمپنی کی رسک مینجمنٹ اور کاروباری تسلسل کی حکمت عملی کا حصہ ہے۔ہم جنگی صورتحال پر گہری نظر رکھے ہوئے ہیں اور تیل کی پیداوا میں می کا جائزہ لیا جائے گا۔

کویت پیٹرولیم کارپوریشن کے بیان میں یہ بھی کہا گیا ہے کہ جنگی حالات کے بہتر ہونے پر تیل کی  پیداوار کو فوری طور پر بحال کردیا جائے گا۔ادھر کویتی حکومت نے اپنے عوام کو یقین دلایا ہے کہ ملکی ضروریات کے مطابق تیل موجود اور مکمل طور پر محفوظ ہے۔ ملک بھر میں طے شدہ منصوبوں کے مطابق سپلائی جاری رہے گی۔