فلوریڈا: نامعلوم شخص امریکی صدر کے ریزورٹ میں داخل ہونے کی کوشش میں مارا گیا

امریکی ریاست فلوریڈا میں صدر ڈونلڈ ٹرمپ کی رہائش گاہ اور نجی ریزورٹ ‘مار اے لاگو’ میں غیر قانونی طور پر داخل ہونے کی کوشش کرنے والا ایک مسلح شخص سیکرٹ سروس کی کارروائی میں مارا گیا ہے۔

امریکی سیکرٹ سروس کے ترجمان کی جانب سے جاری بیان کے مطابق، ایک بیس سالہ مشتبہ نوجوان نے ریزورٹ کے انتہائی محفوظ علاقے (Secured Perimeter) کی خلاف ورزی کرتے ہوئے زبردستی اندر داخل ہونے کی کوشش کی۔ سیکیورٹی پر تعینات اہلکاروں نے فوری ردعمل ظاہر کرتے ہوئے فائرنگ کی، جس کے نتیجے میں حملہ آور موقع پر ہی ہلاک ہو گیا۔

حکام کا کہنا ہے کہ واقعے کے وقت سیکیورٹی ہائی الرٹ پر تھی اور علاقے کو فوری طور پر گھیرے میں لے کر تحقیقات کا آغاز کر دیا گیا ہے۔ فی الحال مشتبہ شخص کی شناخت اور اس کے مقاصد کے حوالے سے مزید تفصیلات فراہم نہیں کی گئی ہیں۔ یاد رہے کہ مار اے لاگو صدر ٹرمپ کی پسندیدہ ترین رہائش گاہوں میں شمار ہوتا ہے جہاں وہ اکثر قیام کرتے ہیں۔