نیویارک طاقتور برفانی طوفان ’نورایسٹر‘کی زد میں ، اتوارکی شام سے برفباری شروع ہونے کا امکان
Web Desk
21 February 2026
نیویارک کے شہریوں کے لیے موسمِ سرما کی مشکلات ابھی ختم نہیں ہوئیں۔ محکمۂ موسمیات کے مطابق ایک طاقتورنورایسٹرطوفان رواں ہفتے کے اختتام تک نیویارک شہر کا رخ کرسکتاہے۔۔جس کے دوران تیزبرفانی ہوائیں متوقع ہیں۔
امریکی اخبار’نیویارک پوسٹ ‘ نے ایکواویدرکے چیف میٹرولوجسٹ جوناتھن پورٹر کے حوالے سے بتایاہے کہ اتوار کی شام سے پیر کی صبح تک نیویارک شہر میں تقریباً 3 سے 6 انچ برف پڑنے کا امکان ہے، جبکہ ہواؤں کی رفتار 40 میل فی گھنٹہ تک پہنچ سکتی ہے۔ پیشن گوئی کے مطابق اتوار کی صبح تقریباً 11 بجے ہلکی برفباری شروع ہو سکتی ہے، جس سے سڑکیں گیلی اور پھسلن والی ہو جائیں گی، تاہم درجہ حرارت نقطۂ انجماد سے نیچے جانے کے بعد شام میں برف جمنے کا امکان زیادہ ہے۔
جوناتھن پورٹر کا کہنا ہے کہ برفباری کا سلسلہ پیر کی صبح تقریباً 11 بجے تک کم ہونا شروع ہو جائے گا۔ سب سے زیادہ برف رات کے اوقات میں پڑنے کی توقع ہے، اس لیے شہریوں کو مشورہ دیا گیا ہے کہ اتوار کی رات غیر ضروری سفر سے گریز کریں۔
اس کے علاوہ مشرقی لانگ آئی لینڈ کے علاقوں میں 6 انچ سے ایک فٹ تک برف پڑنے کا بھی امکان ظاہرکیاگیاہے۔اورتیز ہواؤں کے باعث برفانی طوفانی جیسی صورتحال پیدا ہونے کا خدشہ ہے۔
نیویارک میں یہ طوفان ایسے وقت میں آ رہا ہے جب جنوری کے آخر اور گزشتہ ہفتے پڑنے والی برف کے ڈھیر ابھی مکمل طور پر پگھلے نہیں۔ ماہرین کے مطابق اگرچہ اگلے ہفتے کے آخر تک درجہ حرارت 45 سے 50 ڈگری فارن ہائیٹ تک جا سکتا ہے جس سے کچھ برف پگھلے گی، تاہم بڑے برفانی ڈھیر مارچ تک باقی رہ سکتے ہیں۔
متعلقہ عنوانات
وزیراعظم شہبازشریف 30 نومبر سے روس کا 3 روزہ سرکاری دورہ کریں گے
22 November 2026
موسمیاتی تبدیلی ہماری تہذیب اور تاریخی ورثے کیلئے بڑا خطرہ بن چکی: مصدق ملک
22 November 2026
مکہ معاہدے کے تحت سعودی عرب کا دفاع ترجیح ہے، حاقان فیدان
22 November 2026
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا
22 November 2026
استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت
22 November 2026
ایران اور روس کے درمیان جوہری تعاون جاری رہے گا: روسی عہدیدار
22 November 2026
پرتگال کے وزیر مملکت اور وزیر خارجہ پاؤلو رینجل پاکستان پہنچ گئے
22 November 2026
پاکستان کی بھارت سمیت تمام ایس سی او ممالک کو مکالمے کی دعوت
22 November 2026