ڈونلڈ ٹرمپ کی رمضان المبارک کی آمد پر مسلمانوں کو مبارکباد پیش

واشنگٹن: امریکی صدر ڈونلڈ ٹرمپ نے رمضان المبارک کی آمد پر دنیا بھر کے مسلمانوں کو مبارکباد پیش کی ہے۔ وائٹ ہاؤس کی آفیشل ویب سائٹ پر جاری کردہ بیان میں صدر ٹرمپ نے کہا کہ رمضان ہر مسلمان کے لیے روحانی تجدید اور خدا کی نعمتوں کا شکر ادا کرنے کا وقت ہے۔

صدر ٹرمپ نے اپنے پیغام میں مزید کہا:

رمضان رشتوں کو مضبوط کرتا ہے اور ہمدردی و عاجزی کی مشترکہ اقدار کی تصدیق کرتا ہے۔آزادی سے عبادت کرنا خدا کی عطا کردہ نعمت ہے جو قوم کی خوشحالی اور طاقت کا ستون ہے۔میری انتظامیہ اس بات کو یقینی بنا رہی ہے کہ تمام شہری اپنے عقائد کے مطابق آزادی سے عبادت کر سکیں، کیونکہ مذہبی آزادی کا مطلب ظلم و ستم کے خوف کے بغیر اپنے مذہب پر عمل کرنا ہے۔صدر ٹرمپ نے دعا کی کہ اس مقدس مہینے میں دنیا بھر میں خوشیوں، برکتوں، اتحاد اور امن قائم رہے۔واضح رہے کہ امریکا، برطانیہ اور خلیجی ممالک میں رمضان المبارک کا آغاز آج سے ہو گیا ہے اور یہ مہینہ عید الفطر کی خوشیوں کے ساتھ اختتام پذیر ہوگا۔