خلیج فارس: امریکی بحری بیڑے کی موجودگی کے بعد روس اور چین کی بھی انٹری

خلیج فارس میں امریکی بحری بیڑے کی موجودگی کے بعد روس اور چین نے بھی اپنے بحری بیڑے تعینات کر دیے ہیں، جس کے بعد خطے میں بحری سرگرمیوں میں اضافہ دیکھا جا رہا ہے۔

روسی صدارتی معاون کے ایک حالیہ انٹرویو کے مطابق روس اور چین، ایران کے ساتھ آبنائے ہرمز میں مشترکہ بحری مشقیں کریں گے۔ان کے مطابق ان مشقوں کا مقصد دوست ممالک کے درمیان تعاون کو فروغ دینا اور ایک دوسرے کی بحری صلاحیتوں سے فائدہ اٹھانا ہے۔آبنائے ہرمز عالمی تجارت کے لیے نہایت اہم گزرگاہ سمجھی جاتی ہے، جہاں سے دنیا کی بڑی مقدار میں تیل کی ترسیل ہوتی ہے۔ خطے میں بڑی طاقتوں کی بحری موجودگی کو ماہرین جغرافیائی و سیاسی تناظر میں اہم پیش رفت قرار دے رہے ہیں۔