پاکستان نے امریکی ڈالر بینچ مارک یورو بانڈ جاری کرنے کا عمل شروع کر دیا

اسلام آباد: حکومتِ پاکستان نے عالمی کیپٹل مارکیٹ میں اپنی دوبارہ رسائی کے لیے امریکی ڈالر بینچ مارک یورو بانڈز جاری کرنے کی پیشکش کا باضابطہ عمل شروع کر دیا ہے۔وزارتِ خزانہ کی جانب سے جاری کردہ تفصیلات کے مطابق 5 سالہ اور 10 سالہ مدت پر مشتمل یورو بانڈز کی پیشکش کی پروسیسنگ شروع کر دی گئی ہے، تاہم ان یورو بانڈز کا حتمی اجرا بین الاقوامی مارکیٹ کے حالات اور سرمایہ کاری کی فضا سے مشروط ہوگا۔وزارتِ خزانہ کے ترجمان کا کہنا ہے کہ ملک کی خودمختار کریڈٹ ریٹنگ (Sovereign Credit Rating) میں مسلسل مثبت بہتری اور معاشی بنیادی عوامل (Economic Fundamentals) کے مستحکم ہونے سے عالمی سرمایہ کاروں کے اعتماد میں خاطر خواہ اضافہ ہوا ہے۔ حکام کے مطابق اس اقدام سے نہ صرف پاکستان کی عالمی کیپٹل مارکیٹس تک رسائی ممکن ہوگی بلکہ بیرونی مالیاتی موثر استحکام کو بھی تقویت ملے گی۔