ایران تیل و گیس کی ترسیل میں خلل ڈالنے کیلئے کچھ بھی کرنے کو تیار ہے: جے ڈی وینس

امریکی نائب صدر جے ڈی وینس نے ‘فاکس نیوز’ کو دیے گئے انٹرویو میں کہا ہے کہ ایران عالمی سطح پر تیل اور گیس کی ترسیل میں خلل ڈالنے کے لیے کسی بھی حد تک جا سکتا ہے۔ انہوں نے ایرانی قیادت پر شدید تنقید کرتے ہوئے کہا کہ تہران کے جنگی اقدامات میں کوئی واضح اسٹریٹجک حکمت عملی نظر نہیں آتی اور ایران کی جانب سے اپنے ہی اتحادیوں کو نشانہ بنانا امریکی انتظامیہ کے لیے حیران کن ہے۔ دوسری جانب امریکی محکمہ خزانہ کے سکریٹری اسکاٹ بیسنٹ نے بتایا کہ سخت معاشی پابندیوں نے ایران کو شدید بحران میں مبتلا کر دیا ہے، جس کے باعث وہ جوابی اقدام کر رہا ہے۔ انہوں نے مزید کہا کہ ان پابندیوں کا بنیادی مقصد ایران کو دوبارہ مذاکرات کی میز پر لانا ہے۔