اسلام آباد ہائیکورٹ: جیل حکام کو بانی پی ٹی آئی کی بشریٰ بی بی، اہلخانہ سے ملاقات اور بیٹوں سے ٹیلی فون پر بات کرانے کا حکم

اسلام آباد ہائیکورٹ نے جیل حکام کو بانی پاکستان تحریک انصاف (پی ٹی آئی) کی ان کی اہلیہ بشریٰ بی بی اور اہلخانہ سے ملاقات کروانے کی باضابطہ ہدایت جاری کر دی ہے۔ اپنے جاری کردہ فیصلے میں عدالت عالیہ نے حکم دیا کہ جیل قوانین کے عین مطابق بانی پی ٹی آئی کی ان کے خاندان سے باقاعدہ ملاقاتیں کروائی جائیں۔ اس کے علاوہ ہائیکورٹ نے جیل حکام کو یہ بھی ہدایات دیں کہ بانی پی ٹی آئی کی ان کے بیٹوں کے ساتھ باقاعدگی سے ٹیلی فونک گفتگو کا بھی فوری اور مناسب انتظام کیا جائے۔