حکومت کا عمران خان کوجیل سےاسپتال منتقل کرنے، میڈیکل بورڈ تشکیل دینے کافیصلہ

وفاقی حکومت نے بانی پی ٹی آئی اور سابق وزیراعظم  عمران خان کو اڈیالہ جیل سے اسپتال منتقل کرنے کا فیصلہ کرلیا۔وفاقی وزیر پارلیمانی امور ڈاکٹر طارق فضل چوہدری نےبتایاکہ وفاقی حکومت نے بانی پی ٹی آئی کو جیل سے اسپتال منتقل کرنے کا فیصلہ کیا ہے۔

طارق فضل چوہدری کے مطابق بانی پی ٹی آئی کی صحت کے پیش نظر ان کو اسپتال منتقل کرنےاورمیڈیکل بورڈ تشکیل دینے کا فیصلہ کیا گیا ہے۔

انہوں نے بتایا کہ  بانی پی ٹی آئی کو اپنے بیٹوں سے بات کرنے کی سہولت فراہم کی گئی ہے۔طارق فضل چوہدری نے کہا ہے کہ حکومت انسانی ہمدردی اور قانونی تقاضوں کو مقدم رکھتی ہے، ہر قیدی کو قانون کے مطابق سہولیات فراہم کرنا حکومت کی ذمہ داری ہے۔اس معاملے کو سیاست کی نذر کرنے کے بجائے قومی سنجیدگی اور برداشت کا مظاہرہ کریں۔

ادھر ذرائع کے مطابق بانی چیئرمین پی ٹی آئی کی  آنکھ کے معائنے کے لئے  راولپنڈی کے الشفا آئی ٹرسٹ کا انتخاب کیا گیا ہے۔ ذرائع کی جانب سے بتایاگیاہےکہ ڈاکٹر ندیم قریشی اور ڈاکٹر امجد الشفا آئی ٹرسٹ راولپنڈی کے ریٹینا کے بہترین ڈاکٹرز ہیں۔