حکومت عمران خان کو شفاانٹرنیشنل اسپتال لے جانے پر تیارہے، سلمان اکرم راجہ

پاکستان تحریک انصاف کے جنرل سیکرٹری سلمان اکرم راجہ کہتے ہیں  حکومت عمران خان کو علاج کےلیے اسلام آباد کے شفا انٹرنیشنل لے جانے پر رضامند ہے۔

سلمان اکرم راجا نے پارلیمنٹ ہاؤس سے جاری بیان میں کہاکہ ہمیں بتایا گیا ہے کہ حکومت بانی پی ٹی آئی کوشفا انٹرنیشنل لے جائے گی، جہاں بانی کےخاندان کےایک فردکوبھی ملنے کی اجازت دی جائےگی۔

سلمان اکرم راجا کا کہنا تھاکہ عمران خان  کاٹھیک علاج ہونا ان کاحق ہے،اس میں دیرنہیں ہونی چاہیے۔واضح رہے کہ وفاقی وزیر برائے اطلاعات عطا تارڑ نے کہاتھا کہ ایک خصوصی طبی ادارے میں ماہرینِ امراض چشم بانی پی ٹی آئی کا علاج کریں گے۔