دماغ کے مخصوص حصوں کی تحریک سے انسانوں میں ایثار کا جذبہ بڑھ سکتا ہے، تحقیق

نئی تحقیق کے مطابق دماغ کے مخصوص حصوں کو ہلکے برقی جھٹکوں کے ذریعے متحرک کرنے سے انسانوں میں دوسروں کے لیے قربانی دینے اور فیاضی کے جذبات بڑھ سکتے ہیں۔ جریدے PLOS Biology میں شائع ہونے والی تحقیق میں بتایا گیا کہ فرنٹل لوبز اور پیریئٹل حصوں کی ہم آہنگی ایثار پر مبنی فیصلوں میں نمایاں اضافہ کر سکتی ہے۔

تحقیق کے لیے 44 شرکاء کو ’ڈکٹیٹر گیم‘ میں حصہ لینے کی دعوت دی گئی، جس میں انہیں دستیاب رقم میں سے دوسروں کے ساتھ شیئر کرنے کا فیصلہ کرنا تھا۔ کھیل کے دوران شرکاء کے سر پر الیکٹروڈز لگا کر مخصوص دماغی حصوں کو برقی جھٹکے دیے گئے۔

نتائج سے پتہ چلا کہ گاما ویوز کی ہم آہنگی میں اضافہ ہونے پر افراد زیادہ امکان کے ساتھ دوسروں کو مالی فوائد دینے کا فیصلہ کرتے ہیں، حتیٰ کہ انہیں ذاتی نقصان بھی برداشت کرنا پڑا۔ محققین نے کہا کہ یہ مطالعہ فیاضی کے رویے اور دماغی نیٹ ورک کے تعلقات پر نئے شواہد فراہم کرتا ہے، تاہم براہِ راست سبب و نتیجہ کے تعلق کا تعین کرنے کے لیے مزید تحقیق درکار ہے۔