سعودی شادی میں سونے کے بسکٹ؟ ویڈیو نے سوشل میڈیا پر ہنگامہ مچادیا

سعودی عرب میں ہونے والی ایک شاہانہ شادی کی تقریب میں سونے کے بسکٹ تقسیم کرنے کی ویڈیو سوشل میڈیا پر وائرل ہو گئی ہے، جس نے دیکھنے والوں کو حیران کر دیا۔

ویڈیو میں دیکھا جا سکتا ہے کہ ایک شخص خوبصورت لباس میں مہمانوں کے درمیان چلتے ہوئے چمکدار سونے کے بسکٹ جیسی چیزیں تقسیم کر رہا ہے۔ پہلی نظر میں یہ 24 کیرٹ کے سونے کے بسکٹ لگتے ہیں، لیکن بعد میں انٹرنیٹ صارفین نے وضاحت کی کہ یہ دراصل “پاٹچی” (Patchi) نامی لگژری چاکلیٹس ہیں، جنہیں سونے کی طرح چمکدار ورق میں لپیٹا گیا ہے۔

سوشل میڈیا پر صارفین نے اس وائرل ویڈیو پر حیرت اور تبصروں کا سلسلہ جاری رکھا، اور ویڈیو نے عالمی توجہ بھی حاصل کر لی۔