آئی سی سی کا پاک بھارت میچ سے قبل کشیدگی ختم کرنے کے لیے اہم قدم

انٹرنیشنل کرکٹ کونسل  نے پاکستان، بھارت اور بنگلادیش کے بگڑتے تعلقات کی بہتری کےلیے اہم فیصلہ کیاہے، جس پرپاک بھارت میچ سے قبل عملدرآمدہوگا

اس حوالے سے  بنگلادیش کرکٹ بورڈ کے صدر امین الاسلام نے ایک انٹرویو میں بتایاکہ  15 فروری کو ٹی 20 ورلڈکپ میں پاک بھارت میچ سے قبل آئی سی سی نے ایشیائی ممالک کے کرکٹ بورڈ سربراہان کو مدعو کیا ہے۔ یہ تمام سربراہان پویلین میں بھی ایک ساتھ نظر آئیں گے۔

امین الاسلام کاکہناتھاکہ مدعو کرنے کا مقصد ان ممالک کے سربراہان کے درمیان مکالمہ کرنا ہے تاکہ مسائل کا حل نکالا جاسکے۔آئی سی سی کی جانب سے  یہ ملاقات کولمبو میں رکھی جائے گی جو اجلاس کی صورت میں ہوگا۔

امین الاسلام کے مطابق اس اجلاس کا مقصد بھارت، بنگلادیش اور پاکستان کے درمیان کشیدہ ہونے والے تعلقات کو بہتر بنانا ہے جو ورلڈکپ سے قبل کشیدہ ہوئے اور عالمی کرکٹ کا ماحول متاثر ہوا۔اجلاس میں پاکستان، بھارت، بنگلادیش، سری لنکا اور افغانستان کے سربراہان شامل ہوں گے۔