ہیٹی میں گینگ کے حملے میں 40 افراد ہلاک، درجنوں گھر نذر آتش

کیریبیئن ملک ہیٹی کے دارالحکومت پورٹ او پرنس کے قریبی علاقے کینسکوف میں مسلح اتحاد ‘ویو آنسانم’ سے وابستہ گینگ نے وحشیانہ حملہ کر کے کم از کم 40 افراد کو ہلاک کر دیا ہے۔ عالمی میڈیا کے مطابق مسلح عناصر نے رہائشی علاقوں پر دھاوا بول کر درجنوں گھروں کو آگ لگا دی اور وسیع پیمانے پر تباہی مچائی۔ ہیٹی حکومت نے واقعے کی شدید مذمت کرتے ہوئے متاثرہ خاندانوں سے یکجہتی کا اظہار کیا اور عزم ظاہر کیا ہے کہ ریاست مجرمانہ عناصر کے سامنے پسپائی اختیار نہیں کرے گی اور کینسکوف کو تنہا نہیں چھوڑا جائے گا۔ واضح رہے کہ 2021ء میں صدر جوونیل موئز کے قتل کے بعد سے ہیٹی شدید سیکیورٹی اور سیاسی بحران کا شکار ہے، جبکہ حالیہ پرتشدد لہر سے 13 دسمبر 2026ء کو ہونے والے صدارتی اور قانون ساز اسمبلی کے انتخابات بھی مزید دشوار ہونے کا خدشہ ہے