اسلاموفوبیا کے انسداد کے عالمی دن پر او آئی سی کور گروپ کی صدرِ جنرل اسمبلی سے ملاقات
Web Desk
3 February 2026
او آئی سی کور گروپ برائے اسلاموفوبیا کے مستقل نمائندگان نے اقوامِ متحدہ کے ہیڈکوارٹر میں اقوامِ متحدہ کی 80ویں جنرل اسمبلی کی صدر محترمہ اینالینا بیئربوک سے ملاقات کی، جس میں اسلاموفوبیا کے انسداد کے عالمی دن سے متعلق آئندہ تقریبات پر تبادلۂ خیال کیا گیا۔
ملاقات میں اقوامِ متحدہ کے اسلاموفوبیا سے متعلق خصوصی ایلچی اور یو این الائنس آف سیولائزیشنز کے اعلیٰ نمائندے مسٹر میگوئل آنخل موراتی نوس بھی شریک تھے۔
اس موقع پر اقوامِ متحدہ میں پاکستان کے مستقل مندوب سفیر عاصم افتخار احمد نے کہا کہ جنرل اسمبلی کی قرارداد 76/254 کے تحت 15 مارچ کو اسلاموفوبیا کے انسداد کے عالمی دن کے طور پر منانے کا متفقہ فیصلہ کیا گیا تھا۔
انہوں نے کہا کہ اس عالمی دن کی پہلی تقریب 2023 میں او آئی سی وزرائے خارجہ کونسل کی پاکستان کی صدارت کے دوران منعقد ہوئی، جبکہ 2024 اور 2025 میں بھی اس کی تقریبات باقاعدگی سے منائی گئیں۔ سفیر عاصم افتخار احمد نے اسلاموفوبیا کے خلاف عالمی سطح پر اقدامات اور اقوامِ متحدہ کے خصوصی ایلچی کے کردار کو سراہا۔
متعلقہ عنوانات
ایران کیخلاف جاری جنگ پر امریکا کے اخراجات بڑھ کر 48.3 ارب ڈالر تک پہنچ گئے
20 November 2026
ایران کیخلاف جاری جنگ پر امریکا کے اخراجات بڑھ کر 48.3 ارب ڈالر تک پہنچ گئے
20 November 2026
صدر ٹرمپ نے چینی اور روسی ہم منصب کو امن بارے سخت پیغام دیدیا: جیرڈ کشنر
20 November 2026
وائٹ ہاؤس کے نیشنل سائبر ڈائریکٹر شان کیرن کراس نے عہدے سے استعفیٰ دیدیا
20 November 2026
بلوچستان کے نوجوانوں کیلئے وفاقی محکموں میں ہزاروں ملازمتوں کا اعلان
20 November 2026
بیوٹی ورلڈ دبئی 2027ء کی تاریخوں کا اعلان، عالمی نمائش ایکسپو سٹی منتقل کرنے کا فیصلہ
20 November 2026
امریکا، روس اور چینی صدور کی حالیہ سمٹ کے زیادہ نتائج برآمد نہیں ہونگے: فابیو پنیٹا
20 November 2026
خلیج تعاون کونسل کا حوثی ملیشیا کو جوابدہ ٹھہرانے کیلئے فیصلہ کن مؤقف کا مطالبہ
20 November 2026