روپے کی قدر میں بہتری، انٹربینک میں ڈالر مزید سستا ہوگیا

انٹربینک مارکیٹ میں آج روپے کے مقابلے میں امریکی ڈالر کی قیمت میں معمولی کمی ریکارڈ کی گئی ہے۔

کاروباری ہفتے کے چوتھے روز انٹربینک میں ڈالر کی قدر 3 پیسے کم ہوئی، جس کے بعد امریکی کرنسی 279 روپے 77 پیسے پر بند ہوئی۔

واضح رہے کہ گزشتہ کاروباری روز انٹربینک مارکیٹ میں ڈالر 279 روپے 80 پیسے کی سطح پر بند ہوا تھا۔

ماہرین کے مطابق زرمبادلہ کی مارکیٹ میں استحکام اور درآمدی دباؤ میں کمی کے باعث روپے کی قدر میں ہلکی بہتری دیکھی جا رہی ہے۔