سپین میں دو تیز رفتار ٹرینیں آپس میں ٹکرا گئیں، 30 افراد ہلاک

اسپین کے صوبے تولیدو (Toledo) میں دو تیز رفتار ٹرینوں کے درمیان ہونے والے شدید تصادم کے نتیجے میں کم از کم 30 افراد ہلاک ہو گئے ہیں۔

عالمی خبر رساں اداروں کے مطابق یہ دلخراش حادثہ دارالحکومت میڈرڈ سے سیویل جانے والے مصروف ریلوے ٹریک پر پیش آیا۔ تصادم اتنا شدید تھا کہ دونوں ٹرینوں کی متعدد بوگیاں پٹڑی سے اتر کر ساتھ واقع ڈھلوان سے نیچے جا گریں، جبکہ اس خوفناک حادثے میں زخمی ہونے والے تمام افراد کو فوری طور پر قریبی ہسپتالوں میں منتقل کر دیا گیا ہے جہاں کئی زخمیوں کی حالت تشویشناک بتائی جا رہی ہے۔ حادثے کے بعد سکیورٹی اور ریلوے حکام نے فوری اقدام کرتے ہوئے میڈرڈ سے اندلس جانے والی تمام تیز رفتار ٹرین سروسز کو عارضی طور پر معطل کر دیا ہے، جبکہ جائے حادثہ پر فائر فائٹرز، پولیس اور طبی امدادی ٹیمیں پہنچ کر تیزی سے امدادی کارروائیاں انجام دے رہی ہیں۔ ہسپانوی وزیراعظم نے اس ٹرین حادثے کو انتہائی سنگین نوعیت کا قرار دیتے ہوئے قیمتی جانوں کے ضیاع پر گہرے دکھ اور افسوس کا اظہار کیا ہے۔ خبر ایجنسی کے مطابق اسپین میں رواں سال کے دوران رونما ہونے والا یہ تیسرا بڑا ٹرین حادثہ ہے۔