یونان کشتی حادثہ: مدعی کا مرکزی ملزم کو پہچاننے سے انکار، چیف جسٹس برہم

لاہور ہائیکورٹ نے یونان کشتی حادثے کے مرکزی ملزم ثاقب ججا کی عبوری ضمانت میں 12 فروری تک توسیع کر دی۔

سماعت کے دوران مقدمہ کے مدعی نے ملزم کو پہچاننے سے انکار کیا۔ چیف جسٹس عالیہ نیلم نے مدعیوں پر سخت برہمی کا اظہار کرتے ہوئے کہا کہ آپ ظالم کو بچانے کی کوشش کر رہے ہیں اور انسانی زندگی کی کوئی قیمت ہے یا نہیں؟

چیف جسٹس نے مدعیوں کو سپیشل سینٹرل کورٹ میں پیش ہونے کا حکم دیا اور مدعیوں کے بیانات کی تصدیق اور انگوٹھوں کے نشانات کے فرانزک کرنے کی ہدایت کی۔ اگر یہ ثابت ہوا کہ مدعیوں نے درخواست دی تھی تو جھوٹا بیان دینے پر کارروائی کی جائے گی۔