سونے اور چاندی کی قیمتوں نے نئی بلند ترین سطح چھو لی

کراچی: سونے اور چاندی کی قیمتوں نے پاکستان میں نئی تاریخ رقم کر دی۔ 24 قیراط فی تولہ سونا 12,700 روپے کے اضافے کے بعد پہلی بار 5 لاکھ 6 ہزار 362 روپے کی تاریخی سطح پر پہنچ گیا۔

اسی طرح 10 گرام سونا 10,888 روپے بڑھ کر پہلی بار 4 لاکھ 34 ہزار 123 روپے کی ریکارڈ سطح پر پہنچ گیا۔

چاندی کی قیمت بھی پہلی بار بلند ترین سطح پر پہنچی، جہاں 24 قیراط فی تولہ چاندی 64 روپے کے اضافے سے 9,933 روپے کی بلند ترین سطح پر پہنچ گئی۔

انٹرنیشنل مارکیٹ میں فی اونس سونا 127 ڈالر کے اضافے کے بعد پہلی بار 4,840 ڈالر کی بلند ترین سطح پر پہنچ گیا، جس سے عالمی سونے کی قیمت میں بھی اضافہ دیکھنے میں آیا۔