نئے سال کا شاندار آغاز، پاکستان دنیامیں چاول کاتیسرابڑا ایکسپورٹربن گیا

پاکستان زرعی برآمدات میں تیز رفتار ترقی کے ساتھ عالمی قیادت کی جانب تیزی سے گامزن ہے۔خلیجی اخبار گلف نیوز نے پاکستانی چاول کی عالمی سطح پر پذیرائی کا اعتراف کیا ہے۔

رپورٹ کے مطابق پاکستان  دنیا کا تیسرا بڑا چاول برآمد کنندہ ملک بن گیا۔ دسمبر 2025 میں پاکستانی چاولوں کی برآمدات نے 14 فیصد ماہانہ اضافہ ریکارڈ کر کے عالمی منڈی میں شاندار کارکردگی کا مظاہرہ کیا۔باسمتی چاول کی برآمدات میں 50 فیصد سے زائد اضافے نےکامیابی میں کلیدی کردار ادا کیا۔دسمبر 2025 میں پاکستان نے 4 لاکھ 89 ہزار ٹن چاول عالمی منڈیوں میں برآمدکیے۔

دسمبر2025 میں ویتنام کی برآمدات 3 لاکھ 87 ہزار ٹن رہیں۔ پاکستان نے ویتنام پر سبقت حاصل کرکے عالمی درجہ بندی میں تیسری پوزیشن حاصل کرلی۔پاکستان نےسب سے زیادہ چاول  چین،  تنزانیہ،کینیا ، متحدہ عرب امارات اور آئیوری کوسٹ کے لیے بھیجا۔