“خاموش تماشائی بن کر اپنے بچوں کو نہیں مرواسکتے”، حافظ نعیم کا گل پلازہ واقعے پر سخت ردعمل
Web Desk
18 January 2026
کراچی: امیر جماعت اسلامی پاکستان حافظ نعیم الرحمن نے کراچی آمد کے موقع پر گل پلازہ میں آتشزدگی کے مقام کا دورہ کیا، متاثرہ دکانداروں سے ملاقات کی اور میڈیا سے گفتگو کرتے ہوئے صوبائی حکومت، میئر اور مختلف مافیاز کو شدید تنقید کا نشانہ بنایا۔
حافظ نعیم الرحمن نے کہا کہ ونڈر بوائے بن کر جو لوگ پریزینٹیشن دے رہے تھے، انہی کی پارٹی نے شہر کا بیڑا غرق کر دیا۔ انہوں نے سوال اٹھایا کہ کراچی کی موجودہ حالت کا ذمہ دار کون ہے اور عوام کس سے سوال کریں۔
ان کا کہنا تھا کہ پیپلز پارٹی کی صوبائی حکومت پریزینٹیشن دے کر صرف ان لوگوں کو دھوکا دے سکتی ہے جنہوں نے انہیں مسلط کیا ہے، مگر عوام اب مزید دھوکے میں نہیں آئیں گے۔ انہوں نے کہا کہ خاموش تماشائی بن کر اپنے بچوں کو مرتے نہیں دیکھا جا سکتا۔
حافظ نعیم نے کہا کہ واقعے کو 20 گھنٹے گزرنے کے باوجود لوگ عمارت کے اندر موجود ہیں، جو سنگین غفلت ہے۔ انہوں نے الزام لگایا کہ ایس بی سی اے کے کھاتوں میں کرپشن بھری ہوئی ہے اور تاجروں سے صرف میٹنگز ہو رہی ہیں، عملاً کوئی کام نہیں ہو رہا۔
انہوں نے کہا کہ شہر کا کیا قصور تھا کہ واضح مینڈیٹ کے باوجود جماعت اسلامی کا میئر نہیں آنے دیا گیا۔ ان کا کہنا تھا کہ جس پارٹی نے ایک اسٹیشن بھی نہیں جیتا، اسے قومی اور صوبائی اسمبلی کی نشستیں دے دی گئیں۔
امیر جماعت اسلامی نے کہا کہ اب یہ سلسلہ بند کرنا ہوگا، عوام اٹھیں گے اور جماعت اسلامی ان کی حقیقی ترجمان بنے گی۔ انہوں نے بتایا کہ وہ آج فیصل آباد میں تھے اور آخری فلائٹ سے کراچی آئے تاکہ متاثرین کے ساتھ کھڑے ہو سکیں۔
حافظ نعیم نے کہا کہ قبضہ میئر 23 گھنٹے بعد موقع پر پہنچے مگر عوام کا سامنا کرنے کے لیے تیار نہیں تھے، جبکہ 18 گھنٹے بعد وزیر اعلیٰ کو آنے کی توفیق ہوئی۔ انہوں نے کہا کہ سندھ کے پاس پیسوں کی کمی نہیں، مسئلہ بدعنوانی اور نااہلی ہے۔
انہوں نے کہا کہ اب مافیاز سے جان چھڑانے کا وقت آ گیا ہے اور ساڑھے تین کروڑ عوام کو سمندر میں نہیں پھینکا جا سکتا۔ حافظ نعیم الرحمن نے اعلان کیا کہ جماعت اسلامی بہت جلد کراچی کے عوام کو مافیاز کے خلاف کال دے گی اور ایک زبردست عوامی تحریک چلائی جائے گی۔
انہوں نے کہا کہ پیرس بنانے کے دعوے کرنے والے آج کہاں غائب ہیں، اور شہر کو اس حال میں چھوڑ کر کس منہ سے دعوے کیے گئے تھے۔
متعلقہ عنوانات
سری لنکا کے خلاف ٹیسٹ سیریز میں کامیابی، وزیراعظم شہباز شریف کی قومی ٹیم کو مبارکباد
20 November 2026
علیمہ خان کی نظر بندی سے متعلق درخواست جلد سماعت کے لیے منظور
20 November 2026
چھوٹے صوبے یا بادشاہتیں اور ان پر ایک شہنشاہ، ایسے ملک نہیں چلے گا: سعد رفیق
20 November 2026
پنجاب کے ہر ضلع میں کیتھ لیب، چلڈرن ہسپتال قائم کرنا چاہتے ہیں: مریم نواز
20 November 2026
معاشی ترقی کی باگ ڈور نجی شعبے کو دینا ہوگی: مشیر نجکاری محمد علی
20 November 2026
کراچی: لانڈھی میں گھر کے اندر فائرنگ، خاتون سمیت 3 افراد جاں بحق
20 November 2026
پاکستان سٹاک مارکیٹ میں کاروبار کے آغاز پر مثبت رجحان
20 November 2026
اسلام آباد پولیس کی SWAT فورس کو 20 نئی گاڑیاں فراہم کر دی گئیں
20 November 2026