LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
مکہ معاہدے کے تحت سعودی عرب کا دفاع ترجیح ہے، حاقان فیدان مولانا فضل الرحمان جہاں غلط ہوں گے وہاں کہا جائےگا: گورنر خیبر پختوںخوا خیبر پختونخوا کے ترقیاتی پیکیج کے 10 ارب روپے جاری ہونا خوش آئند: ثمر بلور پاکستان تحریک انصاف نے ایڈووکیٹ نیاز اللہ خان نیازی کو پارٹی کی سیاسی کمیٹی میں بھی شامل کر لیا پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن 12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال محسن نقوی کا نادرا سنٹر پیکو روڈ کا دورہ، مسائل کے حل کیلیے موقع پر ہی احکامات جاری سرکاری قرضوں میں ایک سال کے دوران 6 ہزار 200 ارب روپے کا بھاری اضافہ ایران اور روس کے درمیان جوہری تعاون جاری رہے گا: روسی عہدیدار

وینزویلا کے تیل کی فروخت سے حاصل رقم امریکی اکاؤنٹس میں جمع ہوگی: وائٹ ہاؤس

Web Desk

8 January 2026

وائٹ ہاؤس نے وینزویلا کی ناکہ بندی سے بچ نکلنے والے روسی بحری جہاز پر امریکی قبضے کے بعد واضح کیا ہے کہ جہاز کے عملے کو اب قانونی کارروائی کا سامنا کرنا پڑے گا۔ ترجمان وائٹ ہاؤس کیرولین لیوٹ نے کہا کہ امریکا تمام عائد پابندیوں پر مکمل عمل درآمد یقینی بنائے گا اور وینزویلا کے تیل کی فروخت سے حاصل ہونے والی تمام رقم امریکی اکاؤنٹس میں جمع کرائی جائے گی۔

بحرِ اوقیانوس میں آئل ٹینکر پر قبضے سے متعلق سوال پر پریس بریفنگ کے دوران ترجمان کا کہنا تھا کہ امریکا پابندیوں کے نفاذ میں کسی قسم کی نرمی نہیں برتے گا۔ انہوں نے بتایا کہ گرین لینڈ کے حوالے سے تمام آپشنز زیرِ غور ہیں، تاہم پہلا آپشن ہمیشہ سفارت کاری ہوتا ہے۔

کیرولین لیوٹ کے مطابق ٹرمپ انتظامیہ وینزویلا کے عبوری حکام سے قریبی رابطے میں ہے اور امریکا معاہدوں کے تحت وینزویلا اور امریکی تیل کی صنعت کے ساتھ مل کر کام کر رہا ہے۔ انہوں نے مزید بتایا کہ تیل کمپنیوں کے سربراہان رواں ہفتے وائٹ ہاؤس کا دورہ کریں گے، جبکہ ضرورت پڑنے پر صدر ٹرمپ آئل ورکرز کے تحفظ کے لیے امریکی فوج کے استعمال کا اختیار بھی رکھتے ہیں۔ ترجمان نے وینزویلا میں انتخابی ٹائم ٹیبل پر بات کو قبل از وقت قرار دیا۔

واضح رہے کہ امریکی بحریہ اور کوسٹ گارڈ نے وینزویلا کی ناکہ بندی سے بچ نکلنے والے روسی آئل ٹینکر “میری نیرا” پر قبضہ کر لیا ہے۔ خبر ایجنسی کے مطابق امریکی حکام طویل عرصے سے اس جہاز کا تعاقب کر رہے تھے اور اس سے قبل بھی اس پر قبضے کی کوشش کی جا چکی تھی۔

دوسری جانب روس نے امریکی اقدام کو بحری قزاقی قرار دیتے ہوئے کہا ہے کہ آئل ٹینکر پر قبضہ بین الاقوامی سمندری قوانین کی کھلی خلاف ورزی ہے۔