سینکڑوں ڈائناسور کے انڈے محفوظ حالت میں دریافت، ماہرین حیران

فرانس میں ماہرینِ آثارِ قدیمہ نے ایک بڑی کامیابی حاصل کرتے ہوئے 72 ملین سال قدیم ڈائناسور کے سینکڑوں انڈے دریافت کیے ہیں، جو غیر معمولی طور پر محفوظ حالت میں پائے گئے ہیں۔ جنوبی فرانس میں کھدائی کے دوران اب تک 100 سے زائد انڈے برآمد ہو چکے ہیں، جن کے بارے میں ماہرین کا خیال ہے کہ یہ مقام ماضی میں ڈائناسورز کی افزائش کا ایک بڑا مرکز رہا ہو گا۔ ابتدائی تحقیق کے مطابق، ان میں سے بیشتر انڈے دیوہیکل سبزی خور ڈائناسور ‘ٹائٹانوسارز’ (Titanosaurs) کے ہیں، جبکہ کچھ دیگر اقسام کے ڈائناسورز کے بھی معلوم ہوتے ہیں۔ تحقیقی ٹیم کا کہنا ہے کہ انڈوں کی یہ محفوظ حالت قدیم ماحولیاتی نظام، ڈائناسورز کی طرزِ زندگی اور ان کی افزائشِ نسل کو سمجھنے میں گیم چینجر ثابت ہو سکتی ہے۔ ماہرین پرامید ہیں کہ مزید کھدائی سے اس مقام سے مزید قیمتی باقیات ملنے کے قوی امکانات ہیں۔