27ویں آئینی ترمیم کے تحت آرٹیکل 243 میں اہم ترامیم منظور

27ویں آئینی ترمیم کے ذریعے آرٹیکل 243 میں اصلاحات کو منظوری دے دی گئی ہے، جس کے تحت ملکی دفاع اور فوجی قیادت کے ڈھانچے میں اہم تبدیلیاں کی گئی ہیں۔

ترمیم کے تحت آرٹیکل 243 کی شق 4 کے بعد سات نئی ترامیم شامل کی گئی ہیں۔ اب صدر مملکت وزیراعظم کی ایڈوائس پر ایئر چیف، نیول چیف کی طرح کمانڈر آف ڈیفنس فورسز کا تقرر کریں گے۔

اسی ترمیم کے تحت جوائنٹ چیف آف اسٹاف کمیٹی کا عہدہ 27 نومبر 2025 سے ختم تصور کیا جائے گا۔ مزید برآں، وزیراعظم آرمی چیف کی سفارش پر کمانڈر نیشنل اسٹریٹجک کمانڈ کا تقرر کریں گے، جس کا تعلق پاکستان آرمی سے ہوگا اور اس کی تنخواہ اور الاوٴنسز مقرر کی جائیں گی۔

ترمیم میں یہ بھی واضح کیا گیا ہے کہ فیلڈ مارشل، مارشل آف ایئرفورس اور ایڈمرل آف فلیٹ کی یونیفارم اور مراعات تاحیات برقرار رہیں گی۔ وفاقی حکومت کسی بھی فوجی افسر کو ان رینکس پر ترقی دے سکتی ہے۔

مزید برآں، فیلڈ مارشل، مارشل آف ایئرفورس اور ایڈمرل آف فلیٹ کو بطور ہیروز تصور کیا جائے گا، تاکہ ملکی دفاع میں ان کے کردار کو ہمیشہ یاد رکھا جا سکے۔

یہ ترمیم ملک کی آئینی اور دفاعی ڈھانچے میں ایک اہم سنگِ میل کے طور پر دیکھی جا رہی ہے۔

27ویں آئینی ترمیم کے تحت آرٹیکل 243 میں اہم ترامیم منظور

Web Desk

متعلقہ عنوانات

یمنی فورسز کا حوثی فوجی کیمپ پر فضائی حملہ، 7 افراد ہلاک

پاکستان کا افغان طالبان کو ڈی مارش، فضائی حدود کی خلاف ورزی پر شدید احتجاج

ماسکو میں عالمی مذہبی اجتماع، حسین محی الدین قادری پاکستان کی نمائندگی کریں گے

بانی پی ٹی آئی کا وزیر اعلیٰ خیبر پختونخوا سہیل آفریدی پر مکمل اعتماد ہے، انہیں ہٹانے کی خبروں میں کوئی صداقت نہیں: بیرسٹر گوہر

امریکا سفارت کاری کرے یا مقابلہ، ایران دونوں کیلئے تیار ہے: عباس عراقچی

امریکا کو جواب دینا ہوگا، مذاکرات چاہتا ہے یا خلل ڈالنا؟ ایرانی صدر

حکمرانوں کے ناجائز معاہدوں نے ملکی معیشت کو تباہ کیا: حافظ نعیم الرحمان

مبینہ زیادتی کیس: غیر ملکی خاتون بیان ریکارڈ کرانے کیلئے پیر کو عدالت طلب