میر رضا قتل کیس: نئی تحقیقاتی ٹیم کا جائے وقوعہ پر پہنچ کر شواہد کا جائزہ

نوجوان تاجر میر رضا کے اندوہناک قتل کیس کی تحقیقات میں پیش رفت کے لیے نئی تشکیل دی گئی خصوصی تحقیقاتی ٹیم (JIT) نعش ملنے والے مقام پر پہنچ گئی، جہاں واقعے کے تمام زوایا کا باریک بینی سے تفصیلی جائزہ لیا گیا۔ذرائع کے مطابق تحقیقاتی ٹیم کے معائنے کے موقع پر مقتول میر رضا کے غمزدہ والدین بھی موجود تھے۔ ٹیم کے سینئر رکن ایس ایس پی علی رضا نے جائے وقوعہ کا خود جائزہ لیا اور تفتیش کے لیے اہم نشانات محفوظ کیے۔معائنے کے دوران سب سے پہلے نعش کی نشاندہی کرنے والے قریبی نرسری کے ملازم (مالی) یاسر سے بھی موقع پر ہی تفصیلی پوچھ گچھ کی گئی۔ مالی یاسر نے پولیس کو واقعے کے وقت اور حالت سے متعلق انتہائی اہم معلومات فراہم کیں۔ پولیس حکام نے جائے وقوعہ اور اس کے اطراف کے تمام راستوں اور حصوں کا سائنسی بنیادوں پر جائزہ لیا اور شواہد کی محفوظ سازی کے لیے متعدد تصاویر اور فنگر پرنٹس کے نمونے بھی حاصل کیے۔