یمنی حکومت کی کویت، بحرین، قطر اور اردن پر ایرانی حملوں کی شدید مذمت

یمن کی حکومت نے کویت، بحرین، قطر اور اردن پر ایران کی جانب سے کیے گئے مبینہ میزائل اور ڈرون حملوں کی سخت الفاظ میں مذمت کی ہے۔ یمنی حکومت کی طرف سے جاری کردہ ایک سرکاری بیان میں ان حملوں کو “بلاجواز” قرار دیتے ہوئے کہا گیا ہے کہ یہ کارروائیاں متعلقہ ممالک کی خودمختاری اور علاقائی سالمیت کی کھلی خلاف ورزی ہیں۔ بیان میں مزید کہا گیا کہ ایسے حملے پورے خطے کے امن و استحکام کے لیے ایک سنگین خطرہ ہیں اور بین الاقوامی قانون کی صریح خلاف ورزی کے زمرے میں آتے ہیں۔ یمنی حکومت نے علاقائی سلامتی کو یقینی بنانے کے لیے کشیدگی میں فوری کمی لانے اور سفارتی کوششوں کو فروغ دینے کی ضرورت پر زور دیا ہے۔