یمنی فوج کی 736 کارروائیاں، حوثیوں کے 307 کمانڈر اور جنگجو ہلاک

یمن کی مسلح افواج نے جاری کردہ کارروائیوں کی تفصیلات بتاتے ہوئے کہا ہے کہ حوثی باغیوں کے ٹھکانوں پر اب تک مجموعی طور پر 736 ملٹری آپریشنز کیے گئے ہیں، جن میں ملیشیا کے 307 کمانڈرز اور جنگجو ہلاک یا شدید زخمی ہوئے، جبکہ 68 فوجی تنصیبات اور اثاثوں کو تباہ یا ناکارہ بنا دیا گیا ہے۔

فوجی ترجمان کے مطابق یہ تمام کارروائیاں ‘آپریشن فجر الیمن’ کے تحت انجام دی گئیں، جن کا بنیادی مقصد حوثی باغیوں کے کمانڈ سینٹرز، جنگجوؤں کے اجتماعات، اسلحے کے گوداموں، دفاعی مورچوں اور رسد کی فراہمی کے راستوں کو نشانہ بنانا تھا۔

ان کارروائیوں کے دوران صوبہ تعز کے ایک ہوٹل میں قائم حوثیوں کے کمانڈ اینڈ کنٹرول سینٹر اور بھاری ہتھیاروں کے ذخائر پر بھی درست نشانہ باندھا گیا۔ یمنی فوج کے مطابق حوثیوں نے اس ہوٹل کو نگرانی کی چوکی میں تبدیل کر رکھا تھا، جہاں سے قریبی رہائشی علاقوں کو نشانہ بنانے اور شہر کے محاصرے کو برقرار رکھنے کی کوششیں کی جاتی تھیں۔