وانا کیڈٹ کالج:فیلڈ مارشل عاصم منیر نے لمحہ بہ لمحہ آپریشن کی نگرانی کی

فیلڈ مارشل عاصم منیر کی نگرانی میں سیکیورٹی فورسز نے ایک تاریخی اور کامیاب آپریشن انجام دے کر دہشتگردوں کے ناپاک عزائم ناکام بنا دیے۔ ذرائع کے مطابق سپہ سالارِ فیلڈ مارشل عاصم منیر نے لمحہ بہ لمحہ آپریشن کی نگرانی کی اور جوانوں کو واضح ہدایت دی کہ قوم کے معمار ہمارا سرمایہ ہیں، ان پر کوئی آنچ نہ آنے پائے

آپریشن کے دوران پاک فوج کے جوانوں نے 24 گھنٹے سے زائد دشمن کے سامنے ڈھال بن کر اپنے فرائض انجام دیے۔ کیڈٹ کالج وانا کے اساتذہ اور کیڈٹس کے بلند حوصلے نے دہشتگردوں کے عزائم کو مزید کمزور کر دیا۔

عینی شاہدین کے مطابق خودکش دھماکے کے وقت کیڈٹس ڈرل کر رہے تھے۔ اس موقع پر اساتذہ نے طلبہ کو حوصلہ دیا اور کہا کہ پرسکون رہیں، پاک فوج پہنچ چکی ہے۔کیڈٹس نے عزم ظاہر کیا کہ دشمن کچھ بھی کرلے، ہمیں تعلیم سے نہیں روک سکتا۔
فوج کی بروقت اور مؤثر کارروائی سے دہشتگردوں کی خوفناک منصوبہ بندی خاک میں مل گئی، جبکہ ملک بھر میں عوام نے سیکیورٹی فورسز کے عزم و حوصلے کو زبردست خراجِ تحسین پیش کیا