روس کی یوکرین کو تنازع کے حل کیلئے ٹھوس مذاکرات کی پیشکش

روسی صدر ولادی میر پیوٹن نے کرغزستان سربراہ اجلاس کے بعد پریس کانفرنس کرتے ہوئے کہا ہے کہ اگر کوئی نئی اور مثبت پیشرفت پیدا کی جا سکے تو ماسکو یوکرین تنازع پر ٹھوس مذاکرات کے لیے تیار ہے۔ انہوں نے یوکرینی صدر زیلنسکی کی جانب سے روسی ایئر اسپیس بند کرنے کی دھمکی کو ریاستی دہشت گردی قرار دیتے ہوئے کہا کہ دہشت گردوں سے مذاکرات ممکن نہیں اور روس اس کا بھرپور جواب دے گا۔ پیوٹن نے انکشاف کیا کہ روس یوکرین کے توانائی مراکز پر بڑے حملوں کی تیاری کر رہا ہے اور ان کی افواج سلوینسک اور کراماتورسک کی طرف مسلسل پیش قدمی کر رہی ہیں۔ انہوں نے مزید کہا کہ روس کے لیے اصل چیلنج ڈرونز ہیں جن سے کامیابی کے ساتھ نمٹا جا رہا ہے۔