LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
الاسکا میں ڈیموکریٹس نے سینیٹ کی ایک اور نشست چھین لی، میری پیلٹولا کامیاب پاکستان اور چین کا قانون نافذ کرنے والے اداروں میں معاونت بڑھانے پر اتفاق بنگلہ دیش کے ساتھ اپنے تعلقات کو مزید مستحکم بنانے کیلئے پرعزم ہیں: اسحاق ڈار ایرانی فوج کی کویت میں امریکی پیٹریاٹ دفاعی نظام پر ڈرون حملوں کی تصدیق امریکی وزیر خارجہ نے ایران کے ڈرٹی بم حملے کی اطلاعات مسترد کر دیں اے سی سی ایشیا کپ رائزنگ سٹارز ٹرافی کی رونمائی کر دی گئی بچوں کے استحصال میں ملوث افراد کیلئے نیا ایکٹ لائیں گے: مریم نواز سرمایہ کاروں اور ٹیکنالوجی ماہرین کی توجہ دبئی پر مرکوز، بلاکچین لائف کانفرنس کی تیاریاں مکمل مشرق وسطیٰ پر پھر جنگ کے سائے، کویت میں ڈرون حملے، خطرے کے سائرن بج اٹھے روس، چین اور امریکا کے صدور کی ملاقات پوری دنیا کیلئے انتہائی اہم ہے، چینی کمیونسٹ پارٹی ایک ہفتے میں یوکرین کے روس پر 2 ہزار سے زائد حملے، بچے سمیت 10 شہری ہلاک ایرانی وزیر خارجہ کی قطری نمائندوں سے ملاقات، خطے میں کشیدگی کم کرنے پر زور دبئی میں ورلڈ آرٹ 2026ء کا آغاز 19 نومبر سے، 65 ممالک کے فنکار شریک ہوں گے امریکا، اسرائیل کے فوجی اڈوں کے قریب ڈیم اور بجلی گھر ہدف تصور ہونگے: ایران آبنائے ہرمز میں ایک دن میں تیسرا آئل ٹینکر بارودی سرنگوں سے ٹکرا گیا

جنوبی پنجاب کارڈ کھیل کر سیاست چمکانے کی کوشش نہ کی جائے، عظمیٰ بخاری

Web Desk

16 June 2026

وزیر اطلاعات پنجاب عظمیٰ بخاری نے علی موسیٰ گیلانی کے بیان پر کڑا ردعمل دیتے ہوئے کہا ہے کہ جنوبی پنجاب کارڈ کھیل کر اپنی ڈوبتی سیاست چمکانے کی کوشش نہ کی جائے۔

اپنے ایک اہم تزویراتی بیان میں عظمیٰ بخاری نے کہا کہ علی موسیٰ گیلانی یا تو حقائق سے مکمل طور پر لاعلم ہیں یا پھر جان بوجھ کر سیاسی پوائنٹ سکورنگ کر رہے ہیں۔ انہوں نے مشورہ دیا کہ لاہور اور اسلام آباد کے محلات سے نکل کر تعصب کی عینک اتاری جائے اور جنوبی پنجاب کا تفصیلی دورہ کیا جائے تاکہ وہاں زمین پر ہونے والی ریکارڈ ترقی واضح طور پر نظر آ سکے۔ انہوں نے واضح کیا کہ وزیر اعلیٰ پنجاب مریم نواز نے اپنے ہر بڑے ترقیاتی منصوبے میں جنوبی پنجاب کو پہلی ترجیح دی ہے۔

عظمیٰ بخاری کا کہنا تھا کہ وزیر اعلیٰ مریم نواز کی نظر میں کوئی جنوبی یا سینٹرل پنجاب نہیں بلکہ صرف ایک متحد پنجاب ہے، جس کی یکساں ترقی پر کام ہو رہا ہے۔ انہوں نے مثال دیتے ہوئے بتایا کہ صوبے میں سب سے پہلے الیکٹرک بسیں جنوبی پنجاب کے عوام کے لیے لائی گئیں اور اس وقت جنوبی پنجاب سمیت صوبے کے 10 مختلف اضلاع میں یہ الیکٹرک بسیں کامیابی سے چل رہی ہیں۔ بہت جلد صوبے کی تمام تحصیلوں میں بھی الیکٹرک بسیں چلتی ہوئی نظر آئیں گی۔ اس کے علاوہ حکومت کی فلیگ شپ “اپنی چھت اپنا گھر” سکیم کے تحت اس وقت جو دو لاکھ گھر زیرِ تعمیر ہیں، ان میں سے بھی واضح اکثریت جنوبی پنجاب کے اضلاع میں بنائی جا رہی ہے۔

وزیر اطلاعات پنجاب نے ترقیاتی کاموں کی تفصیلات بتاتے ہوئے مزید کہا کہ جنوبی پنجاب میں نوجوانوں کے لیے کھیل کے نئے اور جدید میدان بن رہے ہیں جبکہ ہسپتالوں کی اپ گریڈیشن کا کام ہنگامی بنیادوں پر جاری ہے۔ انہوں نے زراعت کا ذکر کرتے ہوئے کہا کہ حکومت کی جانب سے گرین ٹریکٹر، کسان کارڈ اور سپر سیڈر سب سے زیادہ جنوبی پنجاب کے کسانوں کو دیے گئے ہیں کیونکہ یہ خطہ صوبے کا زرعی گڑھ ہے۔ اس کے ساتھ ساتھ کچے کے پسماندہ علاقے کی پائیدار ترقی اور امن و امان کے قیام کے لیے حکومتِ پنجاب خطیر رقم یعنی 10 ارب روپے خرچ کر رہی ہے۔

انہوں نے علی موسیٰ گیلانی کو سخت الفاظ میں مخاطب کرتے ہوئے کہا کہ ہر بار اقتدار سے دوری اور اپنی ناکام سیاست کو بچانے کے لیے معصوم عوام کے سامنے جنوبی پنجاب کا جھوٹا کارڈ کھیلنے کی روایت اب ختم ہونی چاہیے۔ جب بھی سیاسی مخالفین کے پاس مریم نواز حکومت کی کارکردگی کا مقابلہ کرنے کے لیے کوئی مؤثر بیانیہ نہیں بچتا، تو وہ اپنی بقا کے لیے جنوبی پنجاب کی محرومیوں کا راگ الاپنا شروع کر دیتے ہیں، تاہم اب ایسی روایتی اور منفی سیاسی بلیک میلنگ کسی صورت کامیاب نہیں ہوگی۔