LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
ہم اعتراف کرنے پر بلاول بھٹو کے مشکور ہیں: ایم کیو ایم کا چیئرمین پی پی کے بیان پر ردعمل ایران نے ’’ڈرٹی بم‘‘ سے متعلق امریکی میڈیا کی رپورٹس مسترد کردیں امریکا کا ایران پر واشنگٹن میں ڈرٹی بم حملے کی منصوبہ بندی کا الزام کراچی کسی کے باپ کی جاگیر نہیں، ہر پاکستانی کو یہاں ترقی میں حصہ لینے کا حق ہے: فاروق ستار پرویز الہٰی سے پی ٹی آئی کے ارکان اسمبلی کی ملاقات، سیاسی صورتحال پر تبادلہ خیال جامشورو کے گاؤں میں گیسٹرو اور ڈائریا کی وبا پھیل گئی، درجنوں کیسز رپورٹ مکہ دفاعی معاہدے کو ادارہ جاتی شکل دینے کیلئے نومبر میں اہم اجلاس ہوگا، ہاکان فیدان گھریلو ملازمہ فاطمہ ہلاکت کیس، شیری رحمان کا ملزموں کو قرار واقعی سزا کا مطالبہ عطا تارڑ طعنے نہ دیں، ہمت ہے تو کہیں پیپلزپارٹی کی ضرورت نہیں: شرجیل میمن میر رضا قتل کیس: جے آئی ٹی سربراہ کی اہل خانہ سے ملاقات، تفتیش میں پیشرفت سے آگاہ کیا ادویات کی بارکوڈنگ اور سیریلائزیشن لازمی قرار، ڈریپ کا اہم فیصلہ صوبوں کی تعداد 32 ہو یا 12، فیصلہ اتفاق رائے سے ہو گا: رانا ثنا اللہ اسلام آباد میں گاڑیوں کیلئے فٹنس سرٹیفکیٹ لازمی قرار، یکم دسمبر سے کریک ڈاؤن ہو گا پنجاب میں بلدیاتی انتخابات دو مراحل میں کرانے کی منظوری ابوظبی: روسی ایم ایم اے فائٹر عثمان نورماگومیدوف جیل سے رہا، جرمانے میں 50 فیصد کمی

ہم اعتراف کرنے پر بلاول بھٹو کے مشکور ہیں: ایم کیو ایم کا چیئرمین پی پی کے بیان پر ردعمل

Web Desk

17 November 2026

متحدہ قومی موومنٹ (ایم کیو ایم) پاکستان نے چیئرمین پیپلز پارٹی بلاول بھٹو زرداری کے بیان پر سخت ردعمل کا اظہار کرتے ہوئے کہا ہے کہ ہم اعترافِ جرم کرنے پر بلاول بھٹو زرداری کے تہہ دل سے مشکور ہیں۔

ایم کیو ایم کے ترجمان کی جانب سے جاری کردہ بیان میں کہا گیا ہے کہ بلاول بھٹو وضاحت کریں کہ اگر پورے ملک میں نئے صوبے بننے ہیں تو پھر خونریزی اور ہنگامہ آرائی کا خدشہ صرف کراچی اور سندھ کے شہری علاقوں کے لیے ہی کیوں ظاہر کیا جا رہا ہے؟ ترجمان نے دوٹوک الفاظ میں کہا کہ نئے صوبوں کا قیام ملک کا ایک آئینی تقاضا ہے، اور اس پر محض بات کرنے یا بحث کرنے پر آگ بگولا ہونا عقل و فہم سے بالاتر ہے۔

ترجمان ایم کیو ایم کا کہنا تھا کہ سندھ کے شہری علاقوں کی غالب اکثریت سندھ سمیت پورے ملک میں نئے انتظامی یونٹس اور صوبوں کے قیام کی پرزور حمایت کرتی ہے، لہٰذا بلاول زرداری بھی سندھ کی حقیقی نمائندگی کا حق ادا کرتے ہوئے نئے صوبوں کے قیام کی حمایت کریں۔

بیان میں مزید کہا گیا ہے کہ ہمیں آپ کی سیاسی بے چینی کا بخوبی اندازہ ہے، لیکن اب ہم مزید سندھ کے شہری علاقوں کو لوٹ مار کا مال نہیں بننے دیں گے۔ ترجمان نے سوال اٹھایا کہ بلاول زرداری قوم کو یہ بھی آگاہ کریں کہ جو لوگ ماضی میں 27ویں آئینی ترمیم کی مخالفت کرتے رہے ہیں، وہ اب اس کی حمایت میں ووٹ کیوں دے رہے تھے؟ آخر میں ایم کیو ایم ترجمان نے مطالبہ کیا کہ بلاول بھٹو حکومت اور ریاست کو بلیک میل کرنے کا سلسلہ فوری طور پر بند کریں