پٹیالہ گھرانے کے نامور فنکار استاد امانت علی خان کو دنیا چھوڑے 52 برس بیت گئے

کلاسیکی موسیقی اور غزل گائیکی کے عظیم نام ور استاد امانت علی خان کو مداحوں سے بچھڑے 52 برس بیت گئے۔ پٹیالہ گھرانے سے تعلق رکھنے والے ممتاز فنکار استاد امانت علی خان 1932ء میں شام چوراسی کے پٹیالہ خاندان میں پیدا ہوئے اور قیامِ پاکستان کے بعد انہوں نے لاہور کو اپنا مسکن بنایا۔ انہوں نے ریڈیو پاکستان کے پروگراموں سے اپنی گائیکی کا آغاز کیا اور انتہائی مختصر عرصے میں اپنے ہم عصروں جن میں مہدی حسن اور غلام علی شامل ہیں، کے درمیان اپنا ایک منفرد اور ممتاز مقام بنا لیا۔

استاد امانت علی خان نے ‘انشاء جی اٹھو اب کوچ کرو’، ‘موسم بدلا رت گدرائی’ اور ‘ہونٹوں پہ کبھی ان کے میرا نام بھی آئے’ جیسے متعدد لازوال گیت اور غزلیں گائیں جو آج بھی شائقینِ موسیقی میں بے پناہ مقبول ہیں۔ ان کی موسیقی کی دنیا کے لیے شاندار خدمات کے اعتراف میں حکومتِ پاکستان کی جانب سے انہیں صدارتی تمغہ حسنِ کارکردگی سمیت کئی ایوارڈز سے بھی نوازا گیا۔ استاد امانت علی خان 17 ستمبر 1974ء کو محض 42 برس کی عمر میں انتقال کر گئے تھے۔ ان کی وفات کے بعد ان کی نسل جن میں ان کے فرزند شفقت امانت علی اور رستم فتح علی خان شامل ہیں، نے کلاسیکی گائیکی کے اس خوبصورت سلسلے کو کامیابی سے آگے بڑھایا۔