امریکی رکن کانگریس الہان عمر پر سرکہ پھینکنے والے شخص کو سزا سنا دی گئی

امریکی ریاست مینیسوٹا کی عدالت نے ڈیموکریٹک پارٹی کی مسلمان رکنِ کانگریس الہان عمر پر سرکہ پھینکنے والے 55 سالہ ملزم انتھونی جیمز کازمیرزک (Anthony James Kazmierczak) کو ایک سال دو ماہ (14 ماہ) قید کی سزا سنا دی ہے۔ غیر ملکی خبر رساں ادارے رائٹرز کے مطابق ملزم نے رواں سال مئی میں امریکی عہدیدار پر حملے کا جرم قبول کر لیا تھا، جبکہ عدالت میں سماعت کے دوران اس نے اعتراف کیا کہ اس نے الہان عمر کے ترقی پسند سیاسی خیالات اور موقف سے شدید اختلاف کے باعث ان پر یہ حملہ کیا تھا۔

یہ واقعہ روان سال 27 جنوری کو اس وقت پیش آیا تھا جب الہان عمر مینیسوٹا کے علاقے میں ایک ٹاؤن ہال اجلاس سے خطاب کر رہی تھیں اور اس دوران وفاقی امیگریشن حکام (ICE) کی کارروائیوں اور پالیسیوں پر شدید تنقید کر رہی تھیں۔ اسی اثنا میں مجمع میں موجود ملزم نے اچانک اٹھ کر ایک سرنج کے ذریعے الہان عمر پر پانی اور سیب کے سرکے کا آميزہ سٹرک دیا۔ تاہم موقع پر موجود سیکیورٹی گارڈز نے فوری اور مؤثر ردِعمل دیتے ہوئے ملزم کو قابو میں کر لیا، جبکہ الہان عمر بال بال بچ گئیں اور انہوں نے بنا کسی خوف کے اپنی گفتگو جاری رکھی۔