امریکا ایران کے ساتھ مذاکرات کے لیے تیار ہے: امریکی وزیرِ خارجہ مارکو روبیو

امریکی وزیرِ خارجہ مارکو روبیو نے ایران کے ساتھ درپیش کشیدگی پر مذاکرات کی آمادگی ظاہر کرتے ہوئے بتایا ہے کہ ایرانی حکام نے اس سلسلے میں رابطہ کیا ہے۔ اپنے بیان میں امریکی وزیرِ خارجہ نے واضح کیا کہ بات چیت کے لیے وعدوں کی پاسداری ضروری ہے، جبکہ آبنائے ہرمز میں تجارتی جہازوں کو نشانہ بنانا ناقابلِ قبول ہے۔ انہوں نے مزید کہا کہ امریکا سمندری راستوں اور بین الاقوامی آبی گزرگاہوں پر کسی بھی ایک ملک کا کنٹرول قبول نہیں کرے گا اور آزادانہ نقل و حرکت و بحری جہازوں کے تحفظ کے حق کا دفاع ہر صورت جاری رکھا جائے گا۔