خلیج عمان میں ایل پی جی ٹینکر پر امریکی میزائل حملے میں 2 افراد جاں بحق، ایرانی خبرایجنسی

ایرانی خبر ایجنسی نے دعویٰ کیا ہے کہ امریکی فورسز نے خلیج عمان میں ایک ایل پی جی (LPG) ٹینکر کو میزائل حملے کا نشانہ بنایا ہے۔ خبر ایجنسی کے مطابق، امریکی حکام نے اس ٹینکر کو غلط فہمی میں ایرانی گیس لے جانے والا جہاز سمجھ کر حملے کی کارروائی کی۔

رپورٹ میں بتایا گیا ہے کہ خلیج عمان میں ہونے والے اس امریکی میزائل حملے کے نتیجے میں ایل پی جی ٹینکر کے عملے کے 2 افراد موقع پر ہی ہلاک ہو گئے۔ حملے کی شدت سے ٹینکر کا انجن روم مکمل طور پر تباہ ہو گیا جس کے باعث جہاز بالکل ناکارہ ہو کر سمندر میں پھنس گیا۔