ایران جنگ میں امریکی میزائل ذخائر میں نمایاں کمی ہوئی ہے: امریکی میڈیا

امریکی نشریاتی ادارے فاکس نیوز نے دعویٰ کیا ہے کہ ایران کے ساتھ جاری جنگی تنازع کے دوران امریکی فضائی و میزائل دفاعی نظام کے ذخائر میں نمایاں کمی واقع ہوئی ہے۔ رپورٹ کے مطابق امریکی دفاعی حکام اور عسکری ماہرین نے دفاعی صلاحتوں اور انٹرسیپٹرز کے ذخائر میں مسلسل کمی پر شدید تشویش کا اظہار کیا ہے۔

ارقام و شمار کے مطابق جنگ کا آغاز ہونے سے قبل امریکا کے پاس موجود ‘پیٹریاٹ’ میزائل انٹرسیپٹرز کی تعداد تقریباً 2 ہزار 300 تھی، جو حالیہ شدید استعمال کے بعد گھٹ کر صرف 827 رہ گئی ہے۔ اسی طرح ‘تھاڈ’ (THAAD) دفاعی نظام کے انٹرسیپٹرز کی تعداد بھی 452 سے کم ہو کر محض 278 تک آ پہنچی ہے، جس سے امریکی ایئر ڈیفنس پر دباؤ کا اندازہ لگایا جا سکتا ہے۔

امریکی میڈیا کا بتانا ہے کہ پینٹاگون نے ان موثر دفاعی و ہجومی ہتھیاروں کے ذخائر کو ہنگامی بنیادوں پر دوبارہ مکمل کرنے کے لیے امریکی حکومت سے اربوں ڈالر کے اضافی اور ایمرجنسی فنڈز کی درخواست کی ہے۔ اس نئی فنڈنگ کا بنیادی مقصد پیٹریاٹ میزائل، تھاڈ انٹرسیپٹرز اور ٹوماہاک کروز میزائل کی ہنگامی خریداری اور پیداوار کو تیز بنانا ہے۔