مقبوضہ مغربی کنارے میں کار حادثہ، امریکا میں تعینات اسرائیلی سفیر کا فوجی بیٹا شدید زخمی

مقبوضہ مغربی کنارے میں ایک مبینہ کار حادثے و حملے کے نتیجے میں امریکہ میں متعین اسرائیلی سفیر یحییٰ لیٹر (Yechiel Leiter) کا فوجی بیٹا نیریہ لیٹر (Neria Leiter) شدید زخمی ہو گیا ہے۔ اسرائیلی فوج اور پولیس کے مطابق یہ واقعہ رام اللہ کے قریب مکابیم (Maccabim) چیک پوسٹ کے پاس پیش آیا، جہاں ایک گاڑی نے وہاں موجود سیکیورٹی اہلکاروں پر تیز رفتاری سے گاڑی چڑھانے کی کوشش کی۔ واقعے کے فوراً بعد سیکیورٹی اہلکاروں نے فائرنگ کرتے ہوئے گاڑی کے ڈرائیور محمود سلیمان کو موقع پر ہی گولی مار کر ہلاک کر دیا۔

زخمی اسرائیلی فوجی کو تشویشناک حالت میں یروشلم کے اسپتال منتقل کر دیا گیا ہے جہاں اس کی سرجری کی گئی ہے۔ اسرائیلی سفیر یحییٰ لیٹر اور وزیراعظم بن یامین نتن یاہو نے واقعے کی تصدیق کرتے ہوئے زخمی اہلکار کی حالت کو انتہائی نازک بتایا ہے۔ واضح رہے کہ زخمی ہونے والا اہلکار ریزرو فورس کا حصہ تھا، جبکہ اس کا ایک بڑا بھائی گزشتہ برس غزہ میں معرکے کے دوران مارا جا چکا ہے۔