امریکی فوج نے ایران کیخلاف مسلسل نویں رات حملوں کی نئی لہر شروع کر دی

امریکی فوج کی سینٹرل کمانڈ (سینٹکام) نے ایران کے خلاف فوجی کارروائیوں کا دائرہ وسیع کرتے ہوئے مسلسل نویں رات حملوں کی ایک نئی لہر شروع کرنے کا اعلان کیا ہے۔ سینٹکام کی جانب سے سوشل میڈیا پلیٹ فارم ایکس (ٹویٹر) پر جاری کردہ ایک سرکاری بیان کے مطابق، ان فضائی اور بحری حملوں کا بنیادی مقصد ایرانی فوج کی ان جنگی صلاحیتوں کو مزید مفلوج اور کمزور بنانا ہے جنہیں آبنائے ہرمز سے گزرنے والے بین الاقوامی تجارتی بحری جہازوں اور سویلین ملاحوں کو نشانہ بنانے کے لیے استعمال کیا جاتا ہے۔ امریکی حکام کا مؤقف ہے کہ یہ کارروائیاں خطے میں بحری راستوں کے تحفظ اور تجارتی نقل و حمل کو محفوظ بنانے کے لیے ناگزیر ہیں۔