ایران نے اردن میں امریکی فوجی اڈوں پر میزائل داغے ہیں، امریکی میڈیا کا دعویٰ

امریکی میڈیا نے دعویٰ کیا ہے کہ ایران کی پاسدارانِ انقلاب نے اردن میں قائم امریکی فوجی اڈوں کو بیلسٹک میزائلوں سے نشانہ بنایا ہے۔ امریکی ملٹری حکام کا حوالہ دیتے ہوئے ذرائع ابلاغ نے بتایا کہ ایران نے مشرقِ وسطیٰ میں موجود امریکی فوجی تنصیبات کی جانب متعدّد بیلسٹک میزائل داغے۔

رپورٹ میں امریکی فوج کے حوالے سے مزید بتایا گیا ہے کہ ایران کی جانب سے فائر کیے گئے تمام میزائلوں کو ایئر ڈیفنس سسٹم کے ذریعے فضا میں ہی کامیابی سے روک کر تباہ کر دیا گیا ہے۔ حکام کے مطابق اس واقعے کے بعد مشرقِ وسطیٰ میں تمام امریکی فورسز کو انتہائی الرٹ اور چوکس کر دیا گیا ہے۔