امریکا، لبنان اور اسرائیل کے درمیان فریم ورک معاہدے پر دستخط

امریکی دارالحکومت واشنگٹن میں لبنان اور اسرائیل کے درمیان ایک تاریخی فریم ورک معاہدے پر دستخط کی تقریب منعقد ہوئی، جس میں امریکا، لبنان اور اسرائیل کے نمائندوں نے باضابطہ طور پر معاہدے پر دستخط کیے۔

اس اہم موقع پر گفتگو کرتے ہوئے امریکی وزیر خارجہ مارکو روبیو نے کہا کہ لبنان اور اسرائیل ایک ایسے فریم ورک معاہدے پر پہنچ گئے ہیں، جس سے انہیں قوی امید ہے کہ خطے اور بالخصوص لبنان میں امن کے قیام کے لیے مثبت اور دور رس پیش رفت ہوگی۔ مارکو روبیو کا مزید کہنا تھا کہ امریکا کی یہ خواہش اور ترجیح ہے کہ لبنان اور اسرائیل کے عوام ایک محفوظ، مستحکم اور پُرامن مستقبل میں زندگی گزار سکیں، اور یہی اس فریم ورک معاہدے کا بنیادی اور اصل مقصد ہے۔ تقریب کے دوران تینوں ممالک نے معاہدے پر باضابطہ دستخط تو کر دیے، تاہم معاہدے کی مزید تفصیلی شقیں فوری طور پر پبلک نہیں کی گئیں۔