غیر ملکی ملازمین کے لیے استعمال ہونے والے ویزا سسٹم میں وسیع پیمانے پر دھوکہ دہی بے نقاب

امریکی محکمہ محنت (Labor Department) اور انسپکٹر جنرل کے دفتر نے ٹرمپ انتظامیہ کی ہدایات پر H-1B ویزا سسٹم اور پرم (PERM) گرین کارڈ پروگرام میں بڑے پیمانے پر ہونے والے فراڈ اور انسانی اسمگلنگ کے خلاف ایک “بڑے تفتیشی آپریشن” کا آغاز کر دیا ہے۔ حکام کے مطابق، تحقیقات کے دوران ایسے وسیع نیٹ ورکس اور اسکیمیں بے نقاب ہوئی ہیں جہاں آجر (Employers) اور لیبر بروکرز جعلی درخواستیں جمع کروا رہے تھے، غیر ملکی کارکنوں سے اجرت کی واپسی (Wage-kickback) کے ذریعے ان کا استحصال کر رہے تھے، اور کم اجرت پر لیبر مارکیٹ میں ورکرز لا کر امریکی شہریوں کی ملازمتوں کو نقصان پہنچا رہے تھے۔ انسپکٹر جنرل انتھونی ڈی ایسپوزیٹو کے مطابق، اس تحقیقات کے سلسلے میں درجنوں نوٹسز (Subpoenas) جاری کیے جا چکے ہیں اور یہ ویزا فراڈ کارٹلز اور بین الاقوامی گینگز سے بھی جڑا ہوا ہے جو نہ صرف فیکٹریوں بلکہ طبی اداروں میں بھی غیر قانونی بھرتیاں کر رہے تھے۔ محکمہ محنت نے متاثرہ امریکی اور غیر ملکی ملازمین کو اس فراڈ کے خلاف فوری رپورٹ درج کرانے کی اپیل کی ہے۔ یاد رہے کہ H-1B ویزا کے تحت سب سے زیادہ ملازمین کا تعلق بھارت (73 فیصد) اور چین (12 فیصد) سے ہوتا ہے۔