مشرق وسطیٰ میں کشیدگی، امریکا کا اپنے شہریوں کو دنیا بھر میں محتاط رہنے کا مشورہ

مشرقِ وسطیٰ میں جاری شدید کشیدگی کے پیشِ نظر امریکا نے اپنے شہریوں کو دنیا بھر میں انتہائی محتاط رہنے کا مشورہ دیا ہے۔ امریکی محکمہ خارجہ نے ایک نئی سفری ہدایت (ٹریول ایڈوائزری) جاری کرتے ہوئے شہریوں پر زور دیا ہے کہ وہ عالمی سطح پر، اور خاص طور پر مشرقِ وسطیٰ کے خطے میں، سیکیورٹی کے حوالے سے سخت احتیاط برتیں۔ الرٹ میں واضح طور پر خبردار کیا گیا ہے کہ ایران کے حامی گروہ بیرونِ ملک امریکی مفادات، تنصیبات یا ایسی جگہوں کو نشانہ بنا سکتے ہیں جہاں امریکی شہریوں کی آمد و رفت زیادہ ہو۔ امریکی حکام نے اپنے شہریوں کو ہدایت کی ہے کہ وہ سفر یا عام نقل و حرکت کے دوران اپنے اردگرد کے حالات پر گہری نظر رکھیں اور اضافی احتیاطی تدابیر لازمی اختیار کریں۔