ایران امریکہ تکنیکی مذاکرات اختتام پذیر، چار ورکنگ گروپ قائم کرنے کا فیصلہ

سوئٹزرلینڈ کے شہر برگن اسٹاک میں امریکہ اور ایران کے مابین جاری تکنیکی سطح کے اہم مذاکرات کامیابی کے ساتھ اختتام پذیر ہو گئے ہیں، جس کے بعد اب اگلا مرحلہ دونوں ممالک کی اعلیٰ سطح کی سیاسی کمیٹی کے سپرد کر دیا گیا ہے۔ ایرانی وفد کے سربراہ اور نائب وزیرِ خارجہ کاظم غریب آبادی کے مطابق، ان مذاکرات کا بنیادی مقصد تیکنیکی تفصیلات کو حتمی شکل دینا تھا اور اب یہ عمل اپنے اگلے اہم مرحلے میں داخل ہو گیا ہے۔

مذاکرات کاروں نے دونوں ممالک کے مابین طویل عرصے سے معطل تصفیہ طلب امور اور تیکنیکی تفصیلات پر عملدرآمد کو یقینی بنانے کے لیے 4 مستقل ورکنگ گروپس قائم کرنے کا فیصلہ کیا ہے

جو ایران پر عائد معاشی پابندیاں ہٹانے کے طریقہ کار کا جائزہ لے گا۔جو ایران کے نیوکلیئر پروگرام اور یورینیئم کی افزودگی کی شرح کم کرنے کی نگرانی کرے گا۔ جو دونوں ممالک کے درمیان معاشی تعاون اور ترقیاتی امور کو دیکھے گا۔ جو معاہدے کی شرائط پر دونوں اطراف سے مکمل عملدرآمد کو یقینی بنانے کا ذمہ دار ہوگا۔

ایران کے چیف مذاکرات کار باقر قالیباف نے امریکہ کے ساتھ مذاکرات کے فیصلے کا دفاع کرتے ہوئے کہا کہ تہران خطے میں طویل بدامنی کے خاتمے کے لیے سوئٹزرلینڈ گیا اور اس نے بہت کچھ حاصل کیا۔ اس سلسلے میں طے پانے والے بڑے ریلیف میں  امریکہ نے ایرانی تیل کی پیداوار اور بین الاقوامی مارکیٹ میں اس کی فروخت پر عائد پابندی کو 60 روز کے لیے عارضی طور پر ختم کر دیا ہے، جبکہ ایران کے منجمد اثاثوں میں سے 12 ارب ڈالر جاری کرنے کی منظوری بھی دے دی گئی ہے۔ بحری تجارت کو بحال کرنے کے لیے امریکہ نے تزویراتی آبی گزرگاہ ‘آبنائے ہرمز’ کی ناکہ بندی مکمل طور پر ختم کر دی ہے۔پاکستان اور قطر کی مخلصانہ اور مشترکہ ثالثی کوششوں کے نتیجے میں لبنان میں جاری جنگ کے مستقل خاتمے کے لیے ایک باقاعدہ سیکیورٹی میکانزم طے پا گیا ہے۔

امریکہ اور ایران کے درمیان ایک جامع اور حتمی امن معاہدے تک پہنچنے کے لیے مجموعی طور پر 60 روزہ روڈ میپ پر اتفاق کیا گیا ہے، جس کے دوران یہ ورکنگ گروپس تمام امور کو حتمی شکل دیں گے۔