ایران مرکزی منامہ میں کچھ مقامات کو نشانہ بنا سکتا ہے: امریکی سفارتخانے نے شہریوں کو ہدایات جاری کر دیں

امریکی حملوں کے بعد مشرقِ وسطیٰ میں سیکیورٹی کی صورتحال مزید کشیدہ ہو گئی ہے۔ بحرین میں امریکی سفارتخانے نے ایک ہنگامی الرٹ جاری کرتے ہوئے اپنے شہریوں کو خبردار کیا ہے کہ ایران جوابی کارروائی کے طور پر مرکزی منامہ (بحرین) میں بعض مقامات کو نشانہ بنا سکتا ہے۔ سفارتخانے نے امریکی شہریوں کو انتہائی محتاط رہنے اور مقامی حکام کی ہدایات پر سختی سے عمل کرنے کی ہدایت کی ہے۔ دوسری جانب، بحری تجارتی راستوں پر سیکیورٹی کے حوالے سے ایک اور تشویشناک واقعہ سامنے آیا ہے جہاں برطانوی میری ٹائم ٹریڈ آپریشنز (UKMTO) نے دعویٰ کیا ہے کہ عمان کے شمال مغرب میں (کمزار کے قریب) ایک بحری جہاز میں آگ لگنے کی اطلاع موصول ہوئی ہے، جس کے بعد علاقے میں ہائی الرٹ جاری کر دیا گیا ہے۔