اربیل ڈرون حملے کے بعد بغداد میں امریکی سفارت خانے کا سکیورٹی الرٹ جاری

عراق کے شہر اربیل پر ہونے والے حالیہ ڈرون حملے کے بعد دارالحکومت بغداد میں قائم امریکی سفارت خانے نے عراق میں موجود اپنے شہریوں کے لیے ایک ہنگامی سکیورٹی الرٹ جاری کر دیا ہے۔ سوشل میڈیا پر جاری کردہ ایک باضابطہ بیان میں امریکی سفارت خانے نے اپنے شہریوں کو انتہائی محتاط رہنے کی تاکید کی ہے اور انہیں سختی سے ہدایت کی ہے کہ وہ عراق کا سفر کرنے سے مکمل گریز کریں۔

امریکی سفارت خانے کے بیان میں واضح کیا گیا ہے کہ عراق میں دہشت گردی، اغوا برائے تاوان، مسلح تنازعات، داخلی بدامنی اور امریکی حکومت کی ہنگامی خدمات فراہم کرنے کی محدود صلاحیت کے پیشِ نظر امریکی شہری کسی بھی مقصد کے لیے اس ملک کا رخ نہ کریں۔ سفارت خانے نے عراق میں پہلے سے موجود امریکی شہریوں پر زور دیا ہے کہ وہ بدلتی ہوئی سکیورٹی صورتحال پر مسلسل نظر رکھیں اور مقامی سکیورٹی حکام کی جانب سے جاری کردہ ہدایات پر سختی سے عمل پیرا رہیں۔