امریکا کے مسلسل گیارہویں رات ایران پر شدید حملے، تبریز اور سیریک میں دھماکے

امریکی سینٹرل کمانڈ (سینٹ کام) نے تصدیق کی ہے کہ ان کی فورسز نے مسلسل گیارہویں رات ایران میں فوجی اہداف پر حملے جاری رکھے ہیں۔ سوشل میڈیا پلیٹ فارم “ایکس” پر جاری بیان میں سینٹ کام کا کہنا تھا کہ ان کارروائیوں کا مقصد آبنائے ہرمز میں تجارتی جہاز رانی کو نقصان پہنچانے کی ایرانی صلاحیت کو مزید کمزور کرنا ہے۔ دوسری جانب ایرانی میڈیا کے مطابق تبریز، سیریک، کرمانشاہ، بوشہر اور خوزستان سمیت متعدد علاقوں میں شدید دھماکوں کی آوازیں سنی گئی ہیں۔ صورتحال کے پیش نظر تہران میں فضائی دفاعی نظام کو فعال کر دیا گیا ہے، تاہم ان حملوں میں ہونے والے جانی یا مالی نقصان کی حتمی تفصیلات سامنے نہیں آ سکیں۔