ایران پر ناکہ بندی بدستور نافذ، 2 جہاز ناکارہ بنائے، 12 کا راستہ تبدیل کر دیا: امریکی فوج

امریکی فوج کی مرکزی کمان (سینٹکام) نے اعلان کیا ہے کہ ایران کے خلاف اس کی بحری ناکہ بندی بدستور مکمل طور پر نافذ ہے، جس کے تحت احکامات کی ورزی کرنے والے 12 بحری جہازوں کا راستہ تبدیل کروایا گیا ہے۔ سوشل میڈیا پلیٹ فارم ‘ایکس’ پر جاری بیان میں سینٹکام نے بتایا کہ امریکی فورسز نے احکامات نہ ماننے والے دو جہازوں کو ناکارہ بنا دیا اور ناکہ بندی پر عمل درآمد یقینی بنانے کے لیے دو بحری جہازوں پر سوار ہو کر ان کی تلاشی لی۔ اس سلسلے میں بحیرۂ عرب میں کوموروس کے پرچم بردار آئل ٹینکر ‘چارمینار’ کی جانچ پڑتال کے بعد اسے سفر کی اجازت دے دی گئی، جبکہ 24 جولائی کو خلیجِ عمان میں موزمبیق کے پرچم بردار آئل ٹینکر ‘لاوین’ کو بار بار تنبیہ کے باوجود ناکہ بندی کی خلاف ورزی پر ناکارہ بنا دیا گیا۔ واضح رہے کہ امریکہ نے 14 جولائی سے ان تمام جہازوں کی ناکہ بندی دوبارہ شروع کر رکھی ہے جو ایرانی بندرگاہوں اور ساحلی علاقوں کی آمد و رفت میں ملوث ہیں۔