امریکا کے ایک بار پھر ایران پر حملے، درجنوں اہداف کو نشانہ بنانے کا دعویٰ

امریکی سینٹرل کمانڈ (سینٹ کام) نے ایران میں پاسداران انقلاب کی تنصیبات، فوجی کمانڈ سینٹرز، میزائل و ڈرون مراکز اور ساحلی دفاعی شعبوں پر بڑے پیمانے پر فضائی حملے کرنے کا دعویٰ کیا ہے۔ امریکی فوج کے مطابق اس کارروائی کا مقصد خلیجی خطے میں اپنی افواج اور تجارتی جہاز رانی کا تحفظ یقینی بنانا ہے۔ امریکی حملوں کے بعد ایران کے متعدد علاقوں بالخصوص خوزستان، فارس اور صوبہ ہرمزگان سے شدید دھماکوں کی اطلاعات موصول ہوئی ہیں۔ ایرانی حکام کے مطابق جزیرہ قشم کے رہائشی علاقے، آبادان، شادگان، اروندکنار، کازرون اور اہواز (جہاں 7 دھماکے سنے گئے) سمیت کیش، ابوموسیٰ اور آبنائے ہرمز کے علاقوں کو نشانہ بنایا گیا ہے، جس سے وسیع پیمانے پر خوف و ہراس پھیل گیا۔