امریکا نے ایران میں ان لوگوں کو مضبوط کیا جو سمجھتے ہیں ایران ایٹمی طاقت ہو، روس

روس کے وزیر خارجہ نے اپنے ایک بیان میں کہا ہے کہ ایران پر امریکی حملوں نے ان عناصر کو مزید طاقت بخشی ہے جو یہ سمجھتے ہیں کہ ایران کو ایک ایٹمی طاقت ہونا چاہیے۔ انہوں نے واضح کیا کہ سابق ایرانی سپریم لیڈر آیت اللہ خامنہ ای اور علی لاریجانی کے دور میں ایران کو ایٹمی طاقت بنانے کی ایسی آوازوں کی کوئی خاص اہمیت نہیں تھی۔ روسی وزیر خارجہ نے مزید کہا کہ جنگ کے آغاز سے قبل آبنائے ہرمز مکمل طور پر کھلی ہوئی تھی، لیکن اب وہاں ٹرانزٹ فیس عائد کرنے کی باتیں ہو رہی ہیں۔ انہوں نے امریکی صدر کے موقف پر تبصرہ کرتے ہوئے کہا کہ ڈونلڈ ٹرمپ کہتے ہیں وہ ایران سے بات کرنا چاہتے ہیں، مگر موجودہ صورتحال کے بعد اب وہاں بات چیت کے لیے کوئی بچا ہی نہیں ہے